近排去行街

見到d sales服務態度好左

講真,應該一早就係咁啦

以前果d真係可以好串

懶理你一身"麥昆"或者Bape或者paul smith

佢地都好鐘意啤住你

唔單止咁,當你掀開d衫黎睇果陣,

睇完之後既一千萬份之一秒內

總會有d sales擺番好d貨同埋比個好明確既暗示你

"嗱,咪再逗我d display呀下"

对付呢d人只有一個方法

就係繼續show你成身raf simons既同時繼續逗佢地d display

適當時可以扮唔覺意整跌d衫

跟住睇其他,係呀,冇錯,對佢地就係要咁無賴,

但係請記住,如果你咁岩睇中左件衫褲鞋襪,

而你又預左要同班sales打架,

就千祈唔好係個陣買野,如果唔係後果自負

有咩後果,唔知喎,你知而家d sales乜都做得出架啦

所以我地身為時裝精買野,都要買得有骨氣,

受完一輪氣先買到既comme des garcons,

著住都覺得唏噓,唔係咩

咁你咪試下係非繁忙時間入Joyce行下買下就知死

老實講,我好憎果o的懶熱情好q多野講果種sales,係咁sell係咁sell

咁我要買就自然會問你架啦,佢咁樣其實係趕客,

我知有d人會唔忍心唔買野,但係咁就可能

買左樣自己唔需要或者唔等使既野,好唔值

有一次入左RL睇野,問左兩個問題:呢件有冇碼,有冇其他款.

兩個"冇"即鬆人,有必要咁有效率ma??

其實亦都唔見得有其他shop好行

而且果陣大把時間,唔睇多陣??唔lu,

費事撞正上面所講既sales"夾硬"挽留我,

身為消費者既我要講清楚:我絕對可以hea哂我d時間,

但係你地絕對冇資格嘥我時間,呢一點最好所有sales明白